Өнгөрсөн дөрөвдүгээр сарын галт тэрэгний зурмагийн  биелэлтийг энэ сарын 12-нд хэлэлцлээ. Тухайн сард зорчигчийн галт тэрэгний явуулалтаар хоёр, өнгөрүүлэлтээр тав, ачааны галт тэрэгний явуулалтаар 14, өнгөрүүлэлтээр 73, нийт 94 зурмагийн тасалдал гарчээ. Үүнийг өмнөх сартай нь харьцуулбал, зурмагийн тасалдлын тоог есөн нэгжээр бууруулсан дүн юм. Гэвч өмнөх оны мөн сартай харьцуулахад зурмагийн тасалдал 17 нэгжээр өссөн байна.

Энэ оны дөрөвдүгээр сарын ачааны галт тэрэгний явуулалтыг өнгөрсөн оны дөрөвдүгээр сартай харьцуулахад 868 галт тэргээр өссөн байгаа аж. Юутай ч төмөр замчид дөрөвдүгээр сард гуравдугаар сараас зурмагийн тасалдлыг бууруулсан дүнтэй ажилласан гэж дүгнүүллээ.