Зам хэмжигч декарт вагоны мэргэжилтэнтэй хамтран ажиллав
Зам хэмжигч декарт вагонуудын үйлдвэрлэгч ОХУ-ын Твема компанийн мэргэжилтэн О.И Семёнов, А.В. Пугачёв нар манай замчидтай хамтран ажиллав. Монгол улсын Замын аж ахуйд ашиглагдаж байгаа тусгай тоноглолын зам оношилгооны УБТЗ-ын ХНН-ын Зам хэмжигч декарт 229, зам төмрийн сэв шалгагч ВД-УМТ-1 176М, Монголын төмөр замын Зам хэмжигч декарт 1106, Зам төмрийн сэв шалгагч 007 гэсэн дөрвөн вагонд хэмжилтийн тоног төхөөрөмжүүдийн тулгалт хийжээ. Зам шалгалтын ажлыг Улаанбаатар-Сайншанд хоорондын замд хамтран хийж, туршилга солилцсон байна.
Зам хэмжигч декарт 229 вагон нь ОХУ-ын тусгай вагонуудын үйлдвэрлэгч Твема компанид их засварт орсон юм. Ийнхүү сүүлийн үеийн тоног төхөөрөмжөөр тоноглогдсон вагонтой болоход Замын удирдлага, Замын аж ахуй дэмжин ажилласан аж.