Замын Хөдөлгөөний аюулгүй байдал хариуцсан орлогч дарга Ш.Нямсүрэнгээр ахлуулсан улирлын үзлэгийн комисс энэ сарын 7-нд Замын-Үүд зангилаанаас ажлаа эхлүүлж, 12-ны өдөр урд замын бүх өртөө зөрлөг, хөдөлгөөнтэй холбоотой салбар нэгжийн ажлыг шалгах ажлаа өндөрлүүлсэн байна. Тэгвэл тус комисс хуваарийн дагуу 15-нд Сүхбаатар зангилаанаас ажлаа эхлүүллээ. Улирлын үзлэгийн комисс энэ сарын 15-18-ны хооронд хойд замд ажиллаж, 21-23-нд төвийн хэсэгт ажиллах хуваарьтай юм. Улирлын үзлэгийн комиссынхон өмнөх үзлэгээс өгсөн үүрэг даалгаврын биелэлт, эрсдлийн үнэлгээ, үерийн нөөц, гологдол дутагдлын мөрөөр хийж буй ажил зэргийг газар дээр нь шалгаж байна.
