УБТЗ-ын 3000 дахь дамжин өнгөрөх чингэлгийн буухиа галт тэрэг Замын-Үүд өртөөнөөс Эрээн өртөө рүү ачаа дамжуулаа

ОХУ-ын Сыктывкар өртөөнөөс БНХАУ-ын Чаншабэй хүрэх өртөөтэй 31 вагон 62 чингэлэгт ачсан нарсан модон материал бүхий Трансконтейнер компанийн МРТ карго зуучлалтай 1290-р галт тэрэг УБТЗ-ын гол замаар 49 цаг буюу 2.04 хоног аялж, 12 сарын 27-ны 03:15 цагт Замын-Үүд өртөөнөөс Эрээн өртөө рүү дамжуулаа. Энэ нь, УБТЗ-ын 16 мянган төмөр замчдын олон жилийн нийлмэл хөдөлмөрийн үр дүнд бий болж буй 3000 дахь дамжин өнгөрөх чингэлгийн буухиа галт тэрэг болов.