"Улаанбаатар төмөр зам" ХНН-ийг 2030 он хүртэл хөгжүүлэх техникийн шинэчлэл,хөгжлийн хөтөлбөрийн тодотголыг хийх ажлыг гүйцэтгэх гэрээнд гарын үсэг зурах ёслол боллоо. Гэрээнд "УБТЗ" ХНН-ийн дарга Х.Хэрлэн, "Мосгипротранс" ХНН-ийн Ерөнхий захирал И.В. Мицук нар гарын үсэг зурж ёсчлон батлав.

"УБТЗ" ХНН-ийг 2030 он хүртэл хөгжүүлэх техникийн шинэчлэл, хөгжлийн хөтөлбөрийг 2018-2019 онуудад "Мосгипротранс" ХНН боловсруулж, "УБТЗ" ХНН-ийн Ерөнхий хороо баталсан цагаас хойш Монгол Улсын төмөр замын салбар эрчимтэй хөгжиж , үндэсний шинэ төмөр замууд үүсэн байгуулагдаж шинэ төсөл хөтөлбөрүүдийг хэрэгжүүлж байгаатай холбогдуулан уг хөтөлбөрийг тодотгох зайлшгүй шаардлага үүссэн тул энэхүү гэрээг байгуулж байгаа юм.