"УБТЗ" ХНН-ийн 75 жилийн ойн баярт уригдан ирсэн ОХУ-ын Эрхүү хотын Зам харилцааны улсын их сургуулийн захирал Ю.А.Трофимовыг "УБТЗ" ХНН-ийн дарга Х.Хэрлэн хүлээн авч уулзлаа. Тус сургууль нь УБТЗ-ын чадварлаг мэргэжилтэй хүний нөөцийн санг бүрдүүлж бэхжүүлэхэд 1951 оноос өнөөдрийг хүртэл чухал хувь нэмрээ оруулж ирсэн юм. "УБТЗ" ХНН болон Эрхүүгийн Зам харилцааны улсын их сургуулийн хамтын ажиллагааг хөгжүүлэх, УБТЗ-ын хөгжил шинэчлэлд оруулж байгаа хувь нэмрийг нь үнэлэн "УБТЗ" ХНН-ийн дарга Х.Хэрлэнд тус сургуулийн "Хүндэт профессор" цол олгосныг гардуулж баяр хүргэлээ. Мөн Эрхүү хот дахь УБТЗ-ын Төлөөлөгчийн газрын тэргүүн Ч.Өлзийтогтохын хөдөлмөр зүтгэлийг үнэлж талархал, дурсгалын цаг бэлэглэв.