Тээврийн логистикийн холимог сүлжээнд хамтран ажиллах бүрэн боломжтой гэв
Энэ сарын 9-11-ний өдрүүдэд Монголын тээвэр зуучлагчдын нэгдсэн холбооны удирдлага, удирдах зөвлөлийн гишүүд Хятадын Ляньюунганг (Lianyungang) боомтод ажиллаж байна.
Liangyungang боомт БНХАУ-н Жангсү мужид байдаг. Тус боомт нь Хятад улсдаа эхний тавд ордог. Монгол улсын боомтын хараат байдлаас гарах, дамжин өнгөрөх боомтуудын тоог нэмэгдүүлэх зорилгод бүрэн нийцэх газар байна хэмээн МТЗНХ-нхон үзжээ. Монгол улсын тээврийн логистикийн холимог тээврийн олон улсын сүлжээнд ашиглан хамтран ажиллах бүрэн боломжтой, томоохон далайн тээврийн компаниуд ажилладаг ба Бүс ба Зам санаачлагын хүрээнд хэрэгжсэн Хятад-Казакстаны хамтарсан чингэлгийг төмөр замд шилжүүлэн ачих Логистикийн томоохон төв ачааг боловсруулж Төв ази руу гаргаж байна. Монгол улс руу ачаа бараа явуулах бүрэн боломжтой ч зарим нэг сорилтууд байна гэжээ.