Өнгөрсөн онд УИХ-ын дарга Г.Занданшатарын ОХУ-д хийсэн албан ёсны айлчлалын хүрээнд УБТЗ ХНН-ийн дүрмийн санг 167 тэрбум төгрөгөөр нэмэгдүүлэх протоколд Зам, тээврийн хөгжлийн сайд С.Бямбацогт ОХУ-ын Тээврийн сайд В.Савельевтай гарын үсэг зурсан билээ. Энэ хүрээнд Оросын талаас таван зүтгүүр нийлүүлэхээр болсон юм. Тэгвэл энэ сарын 09–ний 02.20 цагт Сүхбаатар өртөөнд 2ТЭ25Км-0730 илчит тэрэг орж ирсэн ба одоо Улаанбаатар Татах хэсэгт ирээд байна. Үлдсэн дөрвөн зүтгүүрийг энэ сардаа багтаан нийлүүлэх аж.
