Гармын мэдлэгийг дээшлүүлэх олон улсын өдрийг угтсан сургалтууд хийж байна
Гармын мэдлэг дээшлүүлэх олон улсын өдрийг угтан төмөр замчид "Төмөр замын гарам дахь эрсдэл", "Гармын аюулгүй байдал", "Төмөр замын аюултай бүс" сэдвийн хүрээнд ЕБС-иуд, хүнд даацын автомашинаар тээвэр хийдэг компаниуд, мөн нийтийн тээврийн жолооч нар сургалт явуулдаг байгууллагуудад очиж сургалт зохион байгуулж байна.
-Тухайлбал, Замын II ангиас Ерөнхий боловсролын 142 дугаар сургуулийн 5-6 дугаар ангийн сурагчид, нийгмийн ажилтан, багш нарын төлөөлөл, "ХОС БОГД" авто сургуулийн жолооны багш нарт сургалт зохион байгуулжээ. "Сонсголон хайрхан" ХХК бетон зуурмагийн үйлдвэр /ТЭЦ-н гармаар гардаг/ жолооч, ИТА-чид, "Элит хөгжил" ХХК-ний орон нутгийн автобусны болон сурагчдын автобусны жолооч, ИТА-нуудад “Төмөр замын гарам” сэдэвт сургалтыг зохион байгуулав.
-"НИК" ХХК-ний Дархан салбар, "Дархан Төмөрлөгийн үйлдвэр" ТӨХК гэрээт жолооч нарт "Төмөр замын гарам", "Төмөр замын аюултай бүс" сэдэвт сургалтыг зохион байгууллаа.
- Тусгай зориулалтын хүнд даацын тээвэр явуулдаг компаниуд, жолооч бэлтгэх курсууд, Нийтийн тээврийн компаниудад “ГАРМЫН МЭДЛЭГ ОЛГОХ СУРГАЛТ” -ыг батлагдсан хуваарийн дагуу зорчигч тээврийн нэгтгэл ОНӨААТҮГ -н 1,2,3 дугаар баазын жолооч нарт Төмөр зам дахь Цагдаагийн газартай хамтран сургалт хийв.
-Гармын мэдлэг дээшлүүлэх олон улсын өдрийг угтан Сайншанд ЦХА, Замын-Үүд ЦХА-аас Дорноговь аймгийн Сайншанд, Өргөн, Эрдэнэ, Замын-Үүд сумдын нутаг дэвсгэрт том оврын тээврийн хэрэгслээр тээвэр хийдэг, мөн хот хооронд тээвэр хийдэг хувийн болон төрийн өмчит компаний жолооч нарт ''Төмөр замын гарам''-сэдэвт сургалтыг хийсэн байна. Энэхүү сургалтад орон нутгийн цагдаагийн газраас хамтран оролцжээ.