Дэлхийн II дайнд Зөвлөлтийн арми Германы фашизмыг ялсны 78 жилийн ойг тохиолдуулан Зайсан дахь Зөвлөлтийн дайчдын хөшөөнд болон Зөвлөлтийн армийн нэрт жанжин Г.К.Жуковын хөшөөнд УБТЗ-ын удирдлага, ОХУ-ын мэргэжилтнүүд цэцэг өргөж, хүндэтгэл үзүүллээ. Энэ ёслол, хүндэтгэлийн үйл ажиллагаанд Монгол-Оросын хувь нийлүүлсэн УБТЗ нийгэмлэгийн дарга Х.Хэрлэн, Удирдлагын асуудал эрхэлсэн орлогч дарга Ц.Энхцогт, Нийгмийн асуудал эрхэлсэн орлогч дарга А.Батболд тэргүүтэй удирдлагууд, Орос мэргэжилтнүүд, тэдний гэр бүлийнхэн оролцов. Фашизмыг ялсан эрэлхэг дайчдын гэгээн дурсгалыг мөнхжүүлэх энэхүү ёслолд Монгол -Оросын найрамдалт харилцааны бэлгэдэл болсон байгууллагын хувьд УБТЗ ХНН-ийнхэн мэргэжил нэгт орос нөхдөдөө энэ өдөр баяр хүргэж, хүндэтгэл илэрхийлдэг уламжлалтай.
