Улаанбаатар төмөр замын Зорчигч тээврийн төвөөс E-Ticket вэб сайтыг олон нийтэд сурталчилан таниулах нээлттэй хаалганы өдөрлөг Дүнжингарав худалдааны төвд боллоо
Цахим тасалбар худалдаалалтыг нэмэгдүүлэх, E-Ticket вэб сайтыг олон нийтэд сурталчилан таниулах энэхүү өдөрлөгийг Дүнжингарав худалдааны төвд өчигдөр буюу 10-р сарын 17-ны өдөр амжилттай зохион байгуулж, тус төвөөр үйлчлүүлсэн 700-800 орчим иргэдэд цахим тасалбарыг сурталчлан таниулж мэдээллээр хангасан бөгөөд 187 иргэд, үйлчлүүлэгчдэд УБТЗ Тасалбар аппликейшн гар утсанд суулган өгч үйлчиллээ. Иргэдийн зүгээс ирсэн хүсэлтийн дагуу "Sunday-2" худалдааны төвд өнөөдөр /10.19/ дахин зохион байгуулахаар боллоо.
