“Улаанбаатар төмөр зам” ХНН-ийг хөгжүүлж, бэхжүүлэхийн төлөө сэтгэл зүрх, мэдлэг чадвар, бүтээлч хөдөлмөрөө зориулж, тус нийгэмлэгийн бахархам түүхийг бүтээлцсэн үе үеийн ахмад төмөр замчдадаа ахмадын баярын өдрийн мэндийг өргөн дэвшүүлье.
УБТЗ-ын яруу алдарт түүхийг арилшгүй алтан үсгээр бичсэн манай ахмадууд бол бидний бахархал болсон эрхэм хүндтэй хүмүүс юм.
УБТЗ-ын хөгжилд үнэтэй хувь нэмрээ оруулж, төмөр замын тээврийн тасралтгүй найдвартай байдлыг хангах, тээврийн үр ашиг, үйлдвэрлэл, үйлчилгээний чанар, хүртээмжийг нэмэгдүүлэхийн төлөө залуу нас, халуун сэтгэлээ зориулсан ахмад үеийнхнийхээ хөдөлмөрч, дайчин зан чанар, арвин их туршлагаас суралцах нь тус нийгэмлэгийн амжилт ололт, хөгжил дэвшлийн үндэс юм.
Замын захиргаа ахмад залуу үеийнхний залгамж холбоог бэхжүүлэхэд хойшид ч анхаарч ажиллах болно. Мөн ахмадууддаа тавих анхаарал халамжаа улам сайжруулж, тэдний эрүүл мэнд, нийгмийн асуудалд урьдын адил анхаарч ажиллана.
Залуу сайхан насныхаа эрч хүч, эрдэм чадлаа УБТЗ–даа харамгүй зориулсан ахмадууд та бүхэн минь бидэнд үнэтэй сургаал зөвлөгөөгөө хайрлаж, өмөг түшиг болж, эрүүл энх, аз жаргалтай, урт удаан наслахыг хүсэн ерөөе.
“Улаанбаатар төмөр зам” ХНН-ийн дарга Х.ХЭРЛЭН
