396 дугаар км-ийн гармын автотээврийн хөдөлгөөнийг хаалаа

Зам тээврийн сайдын А-254 тоот тушаалын дагуу Толгойт дахь 396 дугаар км дэх автотээврийн хэрэгслийн хонгилон гарц бүрэн ашиглалтад орсонтой холбогдуулан төмөр замын гармыг хаалаа. Энэ сарын 21-22-нд шилжих шөнө гармын төхөөрөмж, байгууламжийг буулгах ажлыг Замын II ангийн замчид, Дохиолол холбооны I ангийнхан гүйцэтгэсэн байна. Тухайн өдрөөс гармын автотээврийн хөдөлгөөн бүрэн хаагдаж, ирэх оны зургадугаар сарын 25-ныг хүртэл явган зорчигчийн хөдөлгөөнд ажиллуулахаар болжээ. Дээр дурдсан хугацаанд гармын жижүүр явган зорчигчдын хөдөлгөөнд хяналт тавьж, ГТХАБ-ыг хангах ажиллах юм байна.