17.7 км-т зам шинэчлэлийг бүрэн хийж, Замын комисст хүлээлгэн өгөхөөр ажиллаж байна

Энэ жилийн төлөвлөгөөт зам шинэчлэлийн ажил Агуйт-Мааньт хоорондын замд дөрөвдүгээр сарын 26-нд эхэлж, манай замчид тавдугаар сарын 28-нд сүүлчийн “Цонх”-оо авч төлөвлөсөн ажлаа амжилттай дуусгаад байна. Ийнхүү 11 удаагийн “Цонх”-нд нийт 17.7 км замыг шинэчилжээ.

Сүүлийн цонхноос хойш ЗЗМС-ынхан зам чигжих, балластжуулах, тогтворжуулах ажлыг гүйцэтгэж, зургадугаар сарын 12-нд буюу маргааш гарагт Замын комисст хүлээлгэн өгөхөөр ажиллаж байна.

Түүнчлэн, энэ жил Хоолт-Хонхор-Цагаан хяр хоорондын 27 км-д мөн зам шинэчлэлийн ажил хийхээр төлөвлөжээ.