Хятадын эдийн засгийн сорилт нь дэлхийн хэмжээнд түгшүүр төрүүлж буй дефляцийн дарамтыг бий болгож, ирэх улиралд улам бүр нэмэгдэх хандлагатай байна гэж эдийн засагчид үзэж байна.

Долдугаар сарын зээлийн мэдээллээс харахад аж ахуйн нэгжүүд болон өрхүүдийн зээлийн эрэлт буурч, тус улсын үл хөдлөх хөрөнгийн салбарт асуудал үргэлжилсээр байгаа бөгөөд “Country Garden” дефолтын ирмэг дээр ирээд, үл хөдлөх хөрөнгийн аварга Эвергранд Групп их хэмжээний өрөнд ороод байгаа юм. Хятадын хэрэглээний үнийн ерөнхий индекс долдугаар сард өмнөх оны мөн үетэй харьцуулахад 0.3 хувиар буурч, сүүлийн хоёр жил гаруйн хугацаанд анх удаа дефляцтай тулгараад байгаа нь томоохон эдийн засагт тулгарч буй  асуудал болж байна.

Барууны эдийн засаг Ковид-19 тахлын улмаас нийлүүлэлт хязгаарлагдмал, эрэлт нэмэгдэж байгаа нөхцөлд инфляц нэмэгдсэн ч Хятад улс ковид-ын эсрэг хатуу арга хэмжээнүүдээ зогсоосноос хойш эдийн засгийн ямар нэгэн динамикийг амсаагүй, учир нь дотоодын үйлдвэрлэлийн хүчин чадал нь нийлүүлэлтийн хүндрэлийг бууруулах, дэлхийн түүхий эдийн үнийг бууруулахад тусалсан. Уайлдинг, Пимкогийн Хятадын эдийн засагч Кэрол Ляо өнгөрсөн долоо хоногт хийсэн судалгааны тайландаа дотоодын эрэлт буурч, Хятадыг сул хүчин чадалтай болгож, үл хөдлөх хөрөнгийн болон орон нутгийн Засгийн газрын санхүүжилтийн салбарыг бууруулснаар инфляцийн бууралтын дарамтыг гүнзгийрүүлж, дотоодын хөрөнгө оруулалтад сөргөөр нөлөөлсөн гэж тэмдэглэжээ.

“TS Lombard”-ийн  макро стратегич Скайлар Монтгомери Конин өнгөрсөн долоо хоногт “Хятадын урам хугалсан эдийн засгийн сэргэлт дэлхийн эдийн засгийн өсөлтөд сөргөөр нөлөөлж байна. Өсөлт удааширч, хязгаарлагдмал өдөөлт, худалдааны бууралт, хөрөнгийн гадагшлах урсгал нь энэ улиралд юанийн сул дорой байдлыг нэмэгдүүлнэ" гэжээ.