Дархан Татах хэсгээс санаачлан УБТЗ-ын хөдлөх бүрэлдэхүүний засвар, ашиглалтын чиглэлээр үйл ажиллагаа явуулдаг алба, аж ахуй нэгжүүдийн дунд спортын олон төрөлт тэмцээнийг энэ сарын эхээр зохион байгууллаа. Тэмцээнд нийт Зүтгүүр болон Вагоны аж ахуйн алба болон албадын харьяа аж ахуйн нэгжүүдийн зургаан багийн 215 тамирчин оролцов. Тэд гар бөмбөг, дартс, шагайн харваа, ширээний теннисээр өрсөлдөж, аваргуудаа шалгаруулжээ. Гар бөмбөгийн тэмцээнд эрэгтэй баг тамирчдаас Дархан Татах хэсэг, Вагон ашиглалтын депо, Ачааны вагон засварын депогийн багууд эхийн гурван байрт шалгарав. Мөн эмэгтэй багуудаас Вагон ашиглалтын депо, Улаанбаатар Татах хэсэг, Ачааны вагон засварын депогийн баг тэргүүлэв. Дартсын тэмцээний Улаанбаатар татах хэсэг, Вагон ашиглалтын депо, Дархан Татах хэсгийн тамирчид алт, мөнгө, хүрэл медалийн эздээр тодров. Шагайн харвааны шар зурхайд Сайншанд Татах хэсэг, Вагон ашиглалтын депо, Улаанбаатар татах хэсэг шагайчид одтой наадаж эхний гурван байрт шалгарав.  Ширээний теннист эмэгтэйчүүдийн төрөлд Улаанбаатар татах хэсэг, Вагон ашиглалтын депо, Сайншанд татах хэсэг, эрэгтэйчүүдийн төрөлд Вагон ашиглалтын депо, Сайншанд татах хэсэг, Вагон засварын депогийхон алт, мөнгө, хүрэл медаль хүртэв.