Зүүнхараа дахь Ачааны вагон засварын депо үүсэн байгуулагдсаны 72 жилийн ойн нэрэмжит Замын аварга шалгаруулах спорт явган аяллын тэмцээн Зүүнхараа зангилаанд зохион байгуулагдав. Тэмцээнд зургаан багийн 50 гаруй спорт явган аяллын тамирчид оролцсоноос тэргүүн байрт Замын II анги, удаах байруудад Зорчигч үйлчилгээний төв, Зорчигчийн вагон депогийн баг шалгарлаа. Уг тэмцээний шилдэг багийн ахлагчаар Зорчигчийн вагон депогийн багийн ахлагч С.Батболд, шилдэг эрэгтэй аялагчаар Зүүнхараа дахь Ачааны вагон засварын депогийн тамирчин н.Баярзориг, шилдэг эмэгтэй аялагчаар ТБДҮ-ийн ажилтан Ж.Ганцэцэг, шилдэг дасгалжуулагчаар Улаанбаатар татах хэсгийн тамирчин О.Буяндэлгэр нар тодорсон байна.
