Оросын төмөр замын  их сургууль Бүх Оросын төмөр замд дурлагчдын нийгэмлэгтэй (ВОЛЖД) хамтран оросын төмөр замын хөгжлийн тухай өгүүлсэн 2023 оны ухаалаг хуанли гаргажээ. Оросын Төмөр Замын Их Сургууль «Знания.live» төслийн хүрээнд төмөр замчдад зориулсан ухаалаг хуанлиг гурав дахь жилдээ гаргаж байна. Өмнөх жилүүдэд нь тэд компанийн чадавхи, менежментийн ур чадвар, хувь хүний өсөлтийг сайжруулахад  чиглэгдэж байсан бол  2023 оны хуанлийн сэдэв нь Оросын төмөр замын хөгжил юм. Хуанлийн чимэглэлийг ВОЛЖД-ийн гишүүд “ЖД Ретро-Сервис” ХХК-ийн Санкт-Петербург дахь хэсгийн чанарын байцаагч Алексей Грук, геодезийн инженер Денис Никитин нар бэлтгэжээ. Нийгэмлэгийн тэргүүн Алексей Вульфовын хэлснээр төмөр замын ажилчдын гол ажил бол төмөр замын зүтгүүрийн түүхийг өгүүлсэн нэвтэрхий толь юм. Төмөр замын ажилчдын зурсан зургийн дор хачирхалтай баримтуудыг байрлуулжээ. Жишээлбэл, Александр Пушкин цас цэвэрлэх системийг бий болгох санааг анх гаргасан хүмүүсийн нэг байсан бөгөөд E цувралын уурын зүтгүүрүүд үйлдвэрлэсэн тоогоор Гиннесийн амжилтын номонд орсон. 1912- 1957 он хүртэл 11 мянга гаруй уурын зүтгүүр үйлдвэрлэсэн байна. Хуудас бүр QR кодтой, түүгээрээ улбаалан төмөр замын тээврийн музейн хуудсууд, мөн тусгай аяллын талаархи мэдээлэл байрладаг Оросын төмөр замын вэбсайт руу хөтөлдөг.