Улирлын ээлжит үзлэг хойт зөрлөгөөс хийгдэж эхэллээ

Галт тэрэгний хөдөлгөөний аюулгүй байдлыг хангуулах зорилгоор 2023 оны 1 дүгээр улирлын ээлжит үзлэг хоёрдугаар сарын 13-ны өглөө хойт зөрлөгөөс хийгдэж эхэллээ.  УБТЗ-ын Хөдөлгөөний аюулгүй байдал хариуцсан замын орлогч дарга Ш. Нямсүрэнгээр ахлуулсан  бүрэлдэхүүн уг үзлэгээр ГТХАБ-ын "Эрсдэлийн үнэлгээ" Замын даргын А-828 тоот тушаалын хэрэгжилтийг бүрэн хангуулахаар ажиллаж байна. Төмөр замын "Аюултай бүсийн дэглэм"-ийн хэрэгжилтийг сайжруулах, 2022 онд хийгдсэн Замын даргын ээлжит үзлэгийн мөрөөр авч хэрэгжүүлэх ажлын тухай тушаалын хэрэгжилт, Замын даргын 2023 оны А-01, 02, 03, 04 тоот тушаалын биелэлтийг мөн шалгана. Үзлэгийн үеэр галт тэрэгний хөдөлгөөний аюулгүй байдлыг хангах, гологдол, зөрчил, дутагдлыг давтан гаргахгүй байхад онцгойлон анхаарч ажиллах үүрэг чиглэл өгч байна.