МТЗ-чдын ҮЭ-ийн холбоо 2022 оны “Онцлох гишүүд”, “Тэргүүний сонгуультан”-уудаа тодрууллаа. Шагнал гардуулах ёслолын үйл ажиллагаа МҮЭ-ийн Соёлын төв ордны Хүндэтгэлийн танхимд энэ сарын 16-нд болов. Шагнал гардуулах ёслолд МҮЭ-ийн холбооны ерөнхийлөгч С.Эрдэнэбат, МТЗ-чдын ҮЭ-ийн холбооны дарга Б.Баяраа, дэд дарга Б.Алтанхуяг нар  оролцоо. Энэ үеэр МҮЭ-ийн холбооны ерөнхийлөгч С.Эрдэнэбат шагнал хүртсэн хүмүүст баяр хүргээд,  ажлын амжилт хүслээ. Түүнчлэн МТЗ-чдын ҮЭ-ийн холбооны дарга Б.Баяраа шагнал хэлсэн үгэндээ 2022 он улс орны эдийн засаг болоод улс төрийн амаргүй цаг үе байсан гээд МТЗ-чдын ҮЭ-ийн холбоо гишүүдийнхээ эрх ашгийг хамгаалах чиглэлээр шат дараатай арга хэмжээг хэрэгжүүлж буйгаа онцлон тэмдэглэв. Өнгөрсөн оны “Тэргүүний сонгуультан”–аар Удирдах газрын ҮЭ-ийн хорооны дарга Д.Энх-Амгалан, Дохиолол холбооны III ангийн ҮЭ-ийн хорооны дарга С.Насантогтох, “Ганзам пресс төв”-ийн ҮЭ-ийн хорооны дарга Б.Дэлгэрхишиг, Замын II ангийн ҮЭ-ийн хорооны тэргүүлэгч Н.Алтантүлхүүр, Толгойт өртөөний ҮЭ-ийн хорооны тэргүүлэгч Д.Тунгалаг, Замын I ангийн ҮЭ-ийн хорооны бүлгийн зохион байгуулагч Я.Арвинжаргал, Вагон ашиглалтын депогийн ҮЭ-ийн хорооны бүлгийн зохион байгуулагч Ж.Эрдэнэцагаан, Замын I ангийн  ҮЭ-ийн хорооны нягтлан бодогч М.Амаржаргал, Удирдах газрын ҮЭ-ийн хорооны залуучуудын хэсгийн ахлагч Ц.Жавхлант нар шалгарлаа. Мөн 2022 оны “Онцлох гишүүн”-ээр Замын II ангийн замчин Л.Зоригтбаатар, Вагон ашиглалтын депогийн вагон үзэгч засварчин  Б.Батсайхан, Барилга ашиглалт үйлчилгээний I ангийн слесарь Д.Ганхуяг,Улаанбаатар татах хэсгийн машинч Д.Уртнасан  нар тодорсон юм.