Өдгөөгөөс таван жилийн өмнө байгуулагдсан УБТЗ-аас төрсөн "Хөдөлмөрийн баатар, Гавьяатуудын холбоо" ТББ-ын ойг өнгөрсөн Баасан гарагт Баянбуурал амралтад тэмдэглэн өнгөрүүллээ. Энэхүү ёслолын арга хэмжээнд УБТЗ-аас төрсөн зургаан Хөдөлмөрийн баатар, тээврийн салбараас төрсөн гавьяат цолтнуудын төлөөлөл оролцсон юм. Төмөр замын тээврийн салбарын хөгжилд үнэтэй хувь нэмэр оруулж, эзэмшсэн ажил мэргэжлийнхээ эзэн болсон баатар, гавьяатууддаа хүндэтгэл илэрхийлэхээр ЗТХЯ-ны дэд сайд Л.Халтар, УБТЗ-ын Удирдлагын асуудал эрхэлсэн орлогч дарга Н.Энхцогт нар хүрэлцэн ирсэн нь ойн баярыг улам ч хүндэтгэл, бахархлаар “бялхуулсан” юм.

Ташрамд дурдахад, уг ТББ-ын тэргүүнээр Монгол Улсын Хөдөлмөрийн баатар, гавьяат тээвэрчин Р.Раш, гүйцэтгэх захирлаар Монгол Улсын Гавьяат тээвэрчин Ю.Идэрчулуун, дэд захирлаар Монгол Улсын Гавьяат тээвэрчин Л.Мөнхбаяр нар ажилладаг билээ. Уг ойн баярын үйл ажиллагаанд УБТЗ-ын Ахмадын холбооны дэргэдэх "Хос Уянга" хамтлаг тоглолтоо толилуулсан юм.