Төмөр замын дээд сургуулийн 2023-2024 оны хичээлийн жилийн хаврын улирлын “Төгсөлтийн баяр”-ын арга хэмжээ амжилттай зохион байгуулагдлаа. Төгсөлтийн арга хэмжээнд “УБТЗ” ХНН-ийн Удирдлагын асуудал эрхэлсэн замын орлогч дарга Н.Энхцогт, ЗТХЯ-ны Төмөр зам, далайн тээврийн бодлого зохицуулалтын газрын төмөр замын тээврийн хэлтсийн дарга Д.Мөнхбат, "УБТЗ" ХНН-ийн Хүний нөөцийн албаны сургалт, судалгаа хариуцсан орлогч дарга Б.Энхболд, Вагоны аж ахуйн албаны орлогч дарга Б.Түвшинтөр, Дохиолол холбооны албаны дарга Л.Гунгаажанцан, Улаанбаатар татах хэсгийн ерөнхий инженер Г.Аюурбуниа, Вагон ашиглалтын депогийн дарга Б.Азжаргал, Зорчигчийн вагон депогийн дарга Б.Юлхарсүрэн, ТЗДС-ийн захирал, доктор У.Мягмарсүрэн болон эрдэмтэн багш, ажилтнууд төгсөгчид, төгсөгчдийн гэр бүл оролцлоо.

Энэ хичээлийн жилд ТЗДС-ийн бакалаврын хөтөлбөрийг 234 оюутан төгсөж, энгэрийн тэмдэг, дипломоо гардан авлаа. Суралцах хугацаандаа амжилттай суралцаж, “Онц”-лох дипломын болзол хангасан, мэдлэг чадвар, урлаг, спортоор анги хамт олноо манлайлан, хошуучилсан оюутнуудад мэргэжлийн чиглэлээр сонгон шалгаруулалтгүй ажиллах эрхийн урилгыг "УБТЗ" ХНН-ийн мэргэжлийн алба, салбар нэгжийн удирдлагууд олгож, шилдэг төгсөгч нараа урамшуулан шагнасан онцлогтой төгсөлтийн үйл ажиллагаа боллоо. Нийт төгсөгчдөдөө төгсөлтийн баярын мэнд хүргэж, цаашдын ажил, хөдөлмөрт өндөр амжилт хүсье.