“Улаанбаатар төмөр зам“ хувь нийлүүлсэн нийгэмлэгийн Төмөр замын дээд сургууль болон ӨМӨЗО-ны Бугат хотын Төмөр замын мэргэжил технологийн коллеж хооронд байгуулсан оюутан солилцооны гэрээний хүрээнд ТЗДС-ийн В хөтөлбөрийн багийн ахлагч, ахлах багш Ө.Гансүх, Э хөтөлбөрийн багийн ахлагч, багш З.Отгонзул нар 9 хөтөлбөрийн 15 оюутнуудын хамт 2023 оны 06 сарын 12-ноос 2023 оны 06 сарын 22-ны хооронд Бугат хотын Төмөр замын мэргэжил технологийн коллежид нөхөрсөг айлчлал хийлээ. Айлчлалын хүрээнд оюутнууд Бугат хотын Төмөр замын мэргэжил технологийн коллежийн Тээврийн тэнхим, Хөдлөх бүрэлдэхүүний тэнхим, Цахилгаан хангамж, Замын тэнхимүүдийн сургалтын орчин, лабораторийн бааз, ашиглагдаж буй багаж, тоног төхөөрөмж, программ хангамж, виртуаль лабораторийн орчинтой танилцсан бөгөөд мөн Бугат хотын музей, үзэсгэлэнгийн танхим, Бугат хотын шинжлэх ухаан технологийн музей, Ордос хотын Чингисийн музей, Хөх хотын музейг үзэж танилцлаа. Оюутан солилцооны хөтөлбөрт хамрагдсан оюутнууд маань ӨМӨЗО болон Бугат хотын Төмөр замын мэргэжил технологийн коллежийн талаар сэтгэгдэл өндөр, цаашдаа гадаад хэлний мэдлэгээ сайжруулах, тус сургуулийн оюутнуудаас тэргүүн туршлага судласан үр өгөөжтэй сайхан хөтөлбөр боллоо.
