Эрхүү мужийн Тээвэр, замын байгууламжийн сайд Максим Лобанов, Эрхүү мужийн захирагч Игорь Кобзевын нэрийн өмнөөс Шелеховын дарга Алексей Тенигин, Шелеховский дүүргийн захирагч Максим Модин, Зүүн Сибирийн төмөр замын орлогч дарга Александр Парщиков, тус мужийн Хууль тогтоох хурлын депутат Федор Саломатов нар Гончарово станцын ойролцоох төмөр замын гарцыг (Известковая гудамж 17, Трактовая гудамж 9) шинэчлэх тухай асуудлаар уулзалт хийлээ. Эрхүү мужийн Засгийн газрын хэвлэлийн албанаас мэдээлснээр, тус мужийн дарга Шелехов хотын оршин суугч Нина Деганова нарын хувийн уулзалтаар төмөр замын модон шалыг буулгах асуудлыг хэлэлцсэн байна. Энэхүү гарцыг одоогоос 15 орчим жилийн өмнө энэ нутгаар дайран өнгөрдөг, төмөр замын таван шугам дамждаг, аюулгүй байдлын шаардлага хангаагүй хуучин зам дээр барьсныг Эрхүү мужийн тээврийн прокурорын газрын шийдвэрээр татан буулгажээ. Гэхдээ энэ гарцыг оршин суугчид, тэр дундаа бага насны хүүхэдтэй гэр бүл, хөгжлийн бэрхшээлтэй иргэд, тэтгэврийн насныхан байнга ашигладаг байв. Дээрх удирдлагууд Шелехов хотод Известковая, Трактовая гудамжны оршин суугчидтай уулзаж, өөр гарц барих хэд хэдэн сонголтыг санал болгов. Энэ үеэр Максим Лобанов “Хамгийн боломжит хувилбар бол ойролцоох автозамын гүүрэн гарц дээр иргэдэд зориулсан налуу замыг суурилуулах. Тиймээс ойрын хугацаанд зураг төсөл, санхүүжилт, байгууламжийг шууд суурилуулах асуудлыг авч үзнэ. Одоогийн байдлаар гарцыг иргэд ашигласаар байгаа нь осол гарах эрсдлийг бий болгож байна. Тиймээс иргэдэд танил болсон гарцыг хэвээр үлдээх санал тавьж, хяналтын байгууллагад хандахаар төлөвлөж байна” гэв.
