Шууд зорчих ачааны галт тэрэгний анхны аяллыг хийлээ
Харилцаа холбооны хэрэгсэл болон бусад төрлийн бүтээгдэхүүн ачсан ачааны галт тэрэг хэдхэн хоногийн өмнө Хятадын баруун өмнөд хэсгийн Чунцин хотоос Афганистаны Хайратан боомт хотыг чиглэн хөдөлсөн нь хоёр хотын хооронд шууд зорчих ачааны галт тэрэгний анхны аяллыг хийсэн юм. Уг галт тэрэг Казахстан, Узбекистан зэрэг Төв Азийн орнуудыг дайран 12-15 хоногийн дотор Афганистанд ирэх төлөвтэй аялалд гарсан байна. Хятадын харилцаа холбооны ZTE компанид үйлдвэрлэсэн холбооны төхөөрөмжийг Афганистан дахь орон нутгийн харилцаа холбооны сүлжээг хөгжүүлэхэд ашиглах юм. Сүүлийн жилүүдэд Чунцин хотыг дотоодод чиглэсэн иж бүрэн төв болгон хөгжүүлэхийг хичээж байгаа бөгөөд Хятад-Европ болон Төв Азийн орнууд руу хотоос гарах ачааны галт тэрэгний тоо ачаа тээшний хэмжээгээр нэмэгдэж байна. Өнөөгийн байдлаар тус хотыг Европ болон Төв Азийн орнуудтай холбосон 50 гаруй тогтмол чиглэлд 18 мянга гаруй галт тэрэг явж, Ази, Европын 100 гаруй зангилаа хот, бүс нутагт хүрчээ. 2011 оны гуравдугаар сард Хятад-Европ (Юшинь'өү) ачааны галт тэрэгний хөдөлгөөнийг Чунцин хотоос Германы Дуйсбург хот руу явуулж, Хятад, Европыг холбосон хуурай газрын шууд худалдааны коридорыг бий болгосон.
Эх сурвалж: “Railmarketnews