Өнгөрсөн Бямба гарагт Хүүхдийн секторын харьяа урд бүсийн Спортын бага наадам -2024 Дорноговь аймгийн Соёл Спортын рдонд боллоо. Спортын наадамд 11 байгууллагын долоон багаас 99 тамирчид оролцож, ажлын байрны дасгал, волейбол, олс таталт гэсэн гурван төрлөөр хүч чадал авхаалж самбаагаа сорьж өрсөлдлөө. Ажлын байрны дасгал төрлөөр нэгдүгээр байрт Замын-Үүд зангилааны “Алтанхаргана” цэцэрлэг, хоёрдугаар байрт Олон-Овоо зангилааны “Болор” цэцэрлэг, гуравдугаар байрт Сайншанд зангилааны “Хараацай” цэцэрлэг тодорлоо. Тэгвэл гар бөмбөгөөр Сайншанд зангилааны “Хараацай” цэцэрлэг тэргүүлж, Чойр зангилааны “Сансар” цэцэрлэг удаалжээ. Гутгаар байрт Олон-Овоо зангилааны “Болор” цэцэрлэг шалгарсан байна. Олс таталтын төрлөөр мөн “Хараацай” цэцэрлэг тэргүүлж, “Алтанхаргана”, “Сансар” цэцэрлэгүүд удаалжээ.
