"Солонгосын төмөр зам" ТӨК-тай хамтарч төмөр замын ТЭЗҮ боловсруулна

“Монголын төмөр зам” ТӨХК-ийн Гүйцэтгэх захирал О.Батчулуун “Солонгосын үндэсний төмөр зам” ТӨК-ийн Гадаад төсөл хөтөлбөр хариуцсан захирал ноён Юүн Хаг-Сонг тэргүүтэй төлөөлөгчдийг хүлээн авч уулзаж “Тавантолгой-Зүүнбаян" чиглэлийн төмөр замын дохиолол холбооны системийн зураг төсөл, программ хангамж боловсруулах, тоног төхөөрөмж нийлүүлэх, угсралт суурилуулалтын цогц ажил гүйцэтгэх гэрээний ажлын төлөвлөгөөг зөвшилцөх болон Улаанбаатар-Шинэ Хархорум чиглэлийн төмөр замын ТЭЗҮ боловсруулах асуудлаар санал солилцов.