Шилдэг зохион бүтээгч залуус ОХУ-ыг зорилоо

“Шилдэг зохион бүтээгч залуу-2023” уралдааны шилдгээр шалгарсан төмөр замчдын I ээлж ОХУ-ын Оросын төмөр замууд нийгэмлэгийн Дорнод сибирийн төмөр замд өөрийн үндсэн мэргэжлийн дагуу туршлага судлахаар морджээ. I ээлжийн ахлагчаар Залуучуудын төв байгууллагын инновац хариуцсан дэд тэргүүн А.Туулсайхан ажиллаж байна. Багийн бүрэлдэхүүнд “Шилдэг шинийг санаачлан зохион бүтээгчид” болох Замын II ангийн гагнуурчин Н.Номин, дохиолол холбооны I ангийн монтёр Б.Батзориг, Улаанбаатар өртөөний жижүүр Л.Ганхуяг мөн гадаад харилцааны албанаас орчуулагчаар Э.Баясгалан нар багтсан бөгөөд тэд өөрсдийн мэргэжлийн дагуу хөршийн төмөр замчин залуустай харилцан туршлага судлаад ирэх юм.