"Сибирийн бүс нутгийн тээврийн хөгжил" ЭШ-ний бага хуралд оролцжээ
ОХУ-ын Байгаль-Амурын төмөр зам / БАМ/-ыг барьж байгуулсны 50 жилийн ойн баярын хүрээнд Эрхүү хотод зохион байгуулагдсан "Сибирийн бүс нутгийн тээврийн хөгжил" эрдэм шинжилгээний 15 дахь удаагийн бага хуралд УБТЗ- ын Ерөнхий инженерийн орлогч Ч.Мөнхцоож оролцлоо. Евро-Азийг холбосон БАМ-ын бүтээн байгуулалтад нийтдээ 2 сая хүн оролцсон бөгөөд энэхүү төмөр зам нь Эрхүү, Чита, Буриад, Якут, Хабаровск мужуудаар дайран өнгөрдөг 4300 км урт төмөр зам юм. ОХУ нь БАМ болон Транс-сибирийн төмөр замыг шинэчилж, 2025 он гэхэд нэвтрүүлэх хүчин чадлыг нь жилдээ 200 сая тоннд хүргэх зорилт тавиад байгаа юм. "УБТЗ" ХНН нь Орос-Монгол-Хятад гурван улсын эдийн засгийн коридорын төмөр замыг шинэчлэх хамтарсан ажлын хэсгийн хуралдаанд идэвхтэй оролцож, 2050 гэхэд өөрийн нэвтрүүлэх хүчин чадлыг 90 сая тоннд хүргэх зорилттой ажиллаж байна.