УБТЗ-ын Политехник коллежийн захирал Ё.Бямбатогтох болон тус сургуулийн төлөөлөл БНХАУ-ын Өвөр Монголын Бугатын төмөр замын мэргэжил, технологийн коллежийн урилгаар тус сургуульд зочилжээ. Бугатын төмөр замын мэргэжил, технологийн коллежийн захирал, профессор Жү Шяохуй, гадаад харилцаа хамтын ажиллагааны дарга Ван Зычэн тэргүүтэй удирдлагуудтай уулзалт хийж, хамтран ажиллах чиглэл болон санамж бичгийн төслийн талаар санал солилцсон байна. Ирэх тавдугаар сард тус сургуулиуд хамтран ажиллах санамж бичгээ зурахаар тохиролцжээ. Зочид төлөөлөгчид Бугатын төмөр замын сургуулийн үйл ажиллагаатай танилцаж туршлага судалсан аж.