Оросын төмөр замын дарга Олег Белозеров, Хятадын төмөр замын ТУЗ-ийн дарга Лю Жэнфан нар Бээжинд уулзаж ачааны төмөр замын тээврийг хөгжүүлэх талаар ярилцжээ.
2022 онд ОХУ, БНХАУ-ын хооронд хилийн болон далайн боомтоор 152 сая тонн ачаа тээвэрлэн тээвэрлэлтийн дээд амжилт тогтоосон. 2023 оны нэгдүгээр улиралд нийт тээвэрлэлт 38.4 сая тонн болсон нь өнгөрсөн оны мөн үетэй харьцуулахад 76 хувиар нэмэгджээ. Забайкальск-Манжуур, Гродеково-Сүйфэнхэ, Нижеленинское-Тунжиан боомтоор тээвэрлэлт 7.5 сая тонн буюу 46 хувиар нэмэгдсэн байна. Төмөр замын хилийн боомтуудын ажлыг оновчтой болгох, тэр дундаа экспортын ачааг хилийн боомтуудад буулгасны дараа гаргасан нөгөө талын хоосон вагоныг ашиглан чингэлэгт ачиж тээвэрлэх технологийн хэрэглээг өргөжүүлнэ хэмээн мэдэгдлээ.
Аюулгүй задгай ачааг чингэлэгт flexitank, задгай ачааг задгай саванд, хөдөө аж ахуйн бүтээгдэхүүн тухайлбал мах, шувууны аж ахуйн болон, сүүн бүтээгдэхүүн зэргийг хөргөлттэй саванд тээвэрлэх ажлыг сайжруулж байна.
ОХУ, БНХАУ-ын хооронд олон улсын ачаа тээвэрт цаасгүй тээвэр хийх, цахим мэдээллийн солилцоог хөгжүүлэх чиглэлээр үргэлжлүүлэн ажиллах болно гэлээ.
Хуралдаанаар хүний нөөцийг хөгжүүлэх чиглэлээр тулгамдаж буй асуудлыг мөн хэлэлцсэн байна.
