Оросын эдийн засаг 0.6 хувиар өсөв

Оросын ерөнхий сайд Михаил Мишустин энэ сарын 4-нд хэлэхдээ, "Оросын эдийн засгийн хориг арга хэмжээ сорилтуудын нөлөөг сөрөн тогтвортой сэргэж байна. Энэ оны эхний таван сард ДНБ 0.6 хувиар өссөн бөгөөд бүтэн жилийн турш 2 хувиар өсөх төлөвтэй байна" гэжээ.

"ТАСС" агентлагийн мэдээлснээр, мөн өдөр ОХУ-ын Ерөнхийлөгч Владимир Путин Мишустинтай ажлын уулзалт хийсэн байна. В.Путин хэлэхдээ, ОУВС энэ оны Оросын эдийн засгийн өсөлтийн хурдыг 0.7 хувь гэж таамаглаж байсан бол ОХУ-ын Эдийн засгийн хөгжлийн яам 1.5-1.9 хувиар төсөөлж байна.

Мишустин уулзалтын үеэр хэлэхдээ, энэ оны тавдугаар сард Оросын эдийн засаг өнгөрсөн оны мөн үеийнхээс 5.4 хувиар өссөн. Бүтэн жилийн эдийн засгийн урьдчилан таамаглал доогуур байсан ч 8-р сард мэдээллийг шинэчилж, бүтэн жилийн эдийн засгийн өсөлт 2 хувиас давна гэж төсөөлж байна гэжээ.Энэ оны 5-р сард Оросын дотоодын эрэлт хэрэгцээ хоёр жилийн өмнөх түвшиндээ эргэн орж, жижиглэн худалдаа, гуанз ресторан, үйлчилгээ зэрэг ажил төрлийн бизнес худалдааны хэмжээ мэдэгдэхүйц нэмэгдсэн гэж Мишустин хэлжээ.