Өнгөрсөн 12 дугаар сард төмөр замчид галт тэрэгний зурмагийг хэрхэн биелүүлж ажилласан тухай энэ сарын 11-нд хэлэлцлээ. 2022 оны сүүлийн сард галт тэрэгний зурмагийн тасалдал нийт 110 гарчээ. Үүнийг задалж үзвэл зорчигчийн галт тэрэгний өнгөрүүлэлтээр хоёр, явуулалтаар тав, ачааны галт тэрэгний явуулалтаар 21, өнгөрүүлэлтээр 82 удаа тасалдал гарсан байна.
Жилийн дүнгээр авч үзвэл, нийт 889 зурмагийн тасалдал гарсныг 2021 онтой харьцуулахад тасалдлын тоог 40 нэгжээр бууруулжээ..
Өнгөрсөн оны арванхоёрдугаар сарын ачааны галт тэрэгний явуулалт, өнгөрүүлэлтийг 2021 оны мөн сартай харьцуулахад явуулсан галт тэрэгний тоо 1333 нэгжээр, өнгөрүүлсэн галт тэрэгний тоо 1058 нэгжээр тус тус өссөн дүнтэй байгаа юм.
Гэвч тасалдлын тоог өмнөх оны байдалтай харьцуулахад ачааны галт тэрэгний явуулалтынзурмагийн тасалдал 18,өнгөрүүлэлтийн тасалдал 35 нэгжээр өссөн байна.
Тухайн сард зорчигчийн галт тэрэгний долоон тасалдал гарсан нь өнгөрсөн оны мөн сартай харьцуулахад гурван нэгжээр өссөн байна.
