Төмөр замын дээд сургуулийн оюутан солилцооны хүрээнд 15 оюутан өнгөрөгч зургаадугаар сард ӨМӨЗО-ны Бугат хотын Төмөр Замын Мэргэжил Технологийн Коллежийн үйл ажиллагаатай танилцаад ирсэн билээ. Тэгвэл энэ удаа тус сургуулийн Зүтгүүрийн тэнхимийн эрхлэгч Wang Hanzhang, Хүний нөөцийн хэлтсийн захиргааны ажилтан Zhao Xue, Гадаад харилцаа, хамтын ажиллагааны төвийн захиргааны ажилтан Yan Xiao Xue нар 15 оюутны хамт Улаанбаатар хотноо хүрэлцэн ирж, ТЗДС-ийн үйл ажиллагаа, сургалтын материалаг баазтай танилцсан юм. Айлчлалын хүрээнд Зүтгүүрийн тэнхимийн эрхлэгч Wang Hanzhang ТЗДС-ийн оюутнуудад сургуулийнхаа талаар мэдээлэл өгч, төмөр замын сүүлийн үеийн дэвшилтэд технолиудыг танилцуулав.

Оюутан солилцооны хүрээнд хоёр орны оюутнууд харилцан мэдээлэл солилцож, хөгжөөнт тэмцээн уралдаанд суралцаж буй мэргэжлийн чиглэлээрээ баг болон хамтран оролцлоо. ТЗДС-ийн зүгээс ирсэн зочдыг УБТЗ-ийн Зүтгүүрийн вагон депо, Зүтгүүрийн музей, нийслэл Улаанбаатар хот, Аглаг бүтээлийн хийдтэй танилцах аялал зохион байгууллаа. Тус сургуулийн багш, оюутнууд сэтгэл ханамжтай байгаагаа илэрхийлж, нутгийн зүг хүлгийн жолоо заллаа.