Жил бүр уламжлал болгон зохион байгуулдаг Улаанбаатар зангилааны “Аварга шалгаруулах” спортын олон төрөлт тэмцээн гурван өдрийн турш амжилттай зохион байгуулагдаж, энэ сарын 16-нд өндөрлөлөө. Хөл бөмбөг, шагайн харваа, гар бөмбөгийн эрэгтэй, эмэгтэй төрөл, дартс, даам, сагсан бөмбөг эрэгтэй, эмэгтэй төрлөөр зохион байгуулагдсан тус тэмцээнд нийт найман багын тамирчид хурд хүч, авхаалж самбаагаа сорин өрсөлдөв. Тэмцээний сүүлчийн өдөр багийн нийлбэр оноогоор тэргүүн байрт Улаанбаатар татах хэсгийн баг тамирчид шалгарсан бол Дохиолол холбооны II анги, ЭХҮХ-ийн I анги, Вагон ашиглалтын депогийн хамтарсан баг, МТЗ-чдын ҮЭ-ийн холбоо, Удирдах газар, Худалдан авалт борлуулалтын алба, Авто тээврийн үндэсний төв, Ган зам пресс, Монгол трансын хамтарсан баг хоёр, гуравдугаар байрыг эзэллээ.
