Төмөр замын дээд сургуулийн оюутнуудын чөлөөт цагийг зөв боловсон өнгөрүүлэх, мэдлэг, ур чадварыг нэмэгдүүлэх, эрүүл монгол иргэн болж төлөвшихөд дэмжлэг үзүүлэх хүрээнд Оюутны байгууллага, клубүүдийн үйл ажиллагааг дэмжин явуулж байна. Ингэснээр оюутнуудын хичээлээс гадуур сургуулийн орчинд сонирхол нэгт залуустай цагийг зөв боловсон өнгөрүүлэх, зөв зуршилтай инженерүүдийг бэлтгэхэд дэмжлэг үзүүлэх зорилготой билээ. Оюутны байгууллага, клубүүдийн үйл ажиллагааг нийт оюутнуудад сурталчлан таниулах, гишүүнчлэлд бүртгэх, тэдний үйл ажиллагааг өргөжүүлэхээр танилцуулах өдөрлөгийг өнгөрсөн Лхагва гарагт зохион байгууллаа. Өдөрлөгийн арга хэмжээнд “RAILBОT” клуб, “SMART” электроник  програмчлалын анхан шатны клуб, “Болор талст” бүжгийн клуб, “Infinity” мэтгэлцээний клуб, ЗУЗ-н “Энэрлийн өлгий-Донор-25” клуб, “Жигүүртэн” сагсан бөмбөгийн клуб, “Жигүүртэн” волейболын клуб, Ном илтгэл мэтгэлцээний клубүүд үйл ажиллагаагаа танилцуулан “ОЮУТНЫ КЛУБИЙН ГЭРЧИЛГЭЭ” гардан авлаа. Түүнчлэн “Ноён” шатар, даамны клуб шинээр нээж, танилцуулах арга хэмжээ болов. Энэ үеэр ТЗДС-ийн оюутны зөвлөлөөс "open mic” зохион байгууллаа.