ТЗДС-ийн “Төмөр замын ашиглалт, менежмент, эдийн засаг”-ийн тэнхимийн Тээврийн удирдлага зохион байгуулалт мэргэжлээр суралцдаг гуравдугаар курсын оюутнууд “МТЗ” ТӨХК-ийн Цогтцэций өртөө болон “ТТТЗ” ХХК-ийн Тавантолгой өртөөний бүтээн байгуулалттай танилцлаа. Зөвлөх багш Ю.Сарантуяагаар удирдуулсан оюутнууд өнгөрөгч гуравдугаар сарын 29-31-нд ийнхүү танилцах аялал зохион байгуулахдаа орчин цагийн дэвшилтэт техник тоног төхөөрөмж, ажлын технологийг газар дээр нь үзэж судлан, мэдлэгийнхээ цар хүрээг тэлсэн байна. Аялалд хамрагдсан оюутнууд “Багш, оюутнуудын мэдлэгийн санд үнэтэй хувь нэмэр оруулан шинэ техник технологи, тоног төхөөрөмжүүдийн ажиллах зарчмыг дэлгэрэнгүй тайлбарласан, үр дүнтэй сургалт боллоо. Бидний танилцах аяллыг дэмжиж ажилласан Цогтцэций болон Тавантолгой өртөөний хамт олонд ТЗДС-ийн нийт хамт олныхоо өмнөөс талархал илэрхийлье” гэв.