Д.Амарбаясгалан: МТЗ ТӨХК-д шалгалт оруулна

Засгийн газрын ээлжит хуралдаан болж, шийдвэрээ гаргасан билээ. Шийдвэрийн талаар ЗГХЭГ-ын дарга Д.Амарбаясгалан мэдээлэл хийх үеэрээ сэтгүүлчдийн асуултад хариулсан юм. Ерөнхий сайдын чиглэлээр "Монголын төмөр зам" ТӨХК-д шалгалт оруулж буй талаар сэтгүүлчийн асуултад  Д.Амарбаясгалан: "Өнөөдрийн байдлаар МТЗ ТӨХК-д 500 гаруй хүн ажиллаж байгаа. Гэтэл энэ компанид ашиглалтад орсон төмөр зам байхгүй, төмөр замын үйл ажиллагаа явуулдаггүй. Иймд энэ орон тоо бодитой эсэхийг шалгах үүрэг өгөгдсөн байгаа. Мэргэжлийн боловсон хүчний хангалт нөөц ямар байгааг ч илрүүлэх ёстой" хэмээсэн юм.

Эх сурвалж: eguur.mn