Хятадын хамгийн том үйлдвэрлэгч болох “Jiangxi Copper Co”. компани нь Холбооны нөөцийн сан бодлогын хүүгээ бууруулсны дараа хоёрдугаар хагаст зэсийн үнэ өснө гэсэн таамаг дэвшүүлээд байна.

Саяхан гаргасан тайланд дурдсанаар энэ онд цэвэршүүлсэн зэсийн үйлдвэрлэлээ 11 хувиар нэмэгдүүлж, 2.32 сая тоннд хүргэхээр төлөвлөж байгаа ажээ. Хөрөнгө оруулагчид уурхай, хайлуулах үйлдвэрүүдийн нийлүүлэлтийн эрсдэл, дэлхийн үйлдвэрлэлийн үйл ажиллагаанд хандах хандлага ерөнхийдөө сайжирсны дараа зэсийн үнэ энэ сарын эхээр сүүлийн 11 сарын дээд хэмжээнд хүрээд байна. Сэргээгдэх эрчим хүчний эрэлтээс шалтгаалж нийлүүлэлт хумигдаж, хэрэглээ тогтмол нэмэгдэж байгаа тул зэсийн ханш энэ онд өсөх хандлагатай байгаа юм.

Дэлхийн хамгийн томд тооцогдох Хятадын хайлуулах үйлдвэр үйлдвэрлэлээ их хэмжээгээр бууруулах шинж тэмдэг одоогоор алга байна. Шанхайн 10:47 цагийн байдлаар Лондоны металлын бирж дээр зэсийн үнэ 0.4 хувуир өсөж, тонн нь 8881 ам.доллар болжээ. Гуравдугаар сарын 18-нд үнэ 9,164.50 ам.долларт хүрсэн нь өнгөрсөн дөрөвдүгээр сараас хойших хамгийн өндөр үзүүлэлт юм.

Эх сурвалж: www.mining.com