Гадаад худалдааны нийт бараа эргэлт 3.4 тэрбум ам. доллар болж өсчээ

Монгол Улс 2023 оны эхний 2 сард нийт 118 улстай худалдаа хийж, гадаад худалдааны нийт бараа эргэлт 3.4 тэрбум америк долларт хүрчээ. Үүнээс экспорт 2.2 тэрбум америк доллар, импорт 1.2 тэрбум америк доллар байна. Нийт бараа эргэлтийн хэмжээ өмнөх оны мөн үеэс 1.2 (55.2хувь) тэрбум америк доллароор, экспорт 1.1 (90.1хувь) тэрбум америк доллароор, импорт 160.5 (15.5хувь) сая америк доллароор тус тус өсжээ.