УБТЗ ХНН-ийн урд бүс хариуцсан менежер О.Энхтөр, ТЗДС-ийн вагоны мэргэжлийн ахлах багш Ө.Гансүх, Политехникийн коллежийн дэд захирал Ч.Туяа нар төмөр замын мэргэжлийн чиглүүлэх сургалттай Ерөнхий боловсролын найман сургуулийн удирдлагуудын хамт ОХУ-ын Эрхүү хотын Зам харилцааны улсын их сургуулийн харьяа лицей сургуультай танилцаж, туршлага судлахаар явлаа. Тодруулбал, УБТЗ ХНН-тэй хамтын ажиллагаатай ерөнхий боловсролын сургуулиудын захирал, сургалтын менежерүүд энэ сарын 15-20-ны өдрийг хүртэл ажиллах аж. Тэд Эрхүү хотын Зам харилцааны их сургууль болон түүний харьяа лицей сургуулийн үндсэн үйл ажиллагаа, материаллаг бааз, лаборатори болон хичээлийн хөтөлбөртэй танилцан, туршлага мэдээлэл солилцох юм.
