Эрхүү–Улаанбаатар, аялал жуулчлалын ирээдүйтэй чиглэлд тооцогдож байна
Зүүн Сибирийн төмөр зам оны эхний есөн сарын хугацаанд нийт 9.3 сая зорчигч тээвэрлэжээ. Энэ нь зорчигч тээврийн үйлчилгээний ажилтнуудын хүчин чармайлтын үр дүн юм.
Зорчигч үйлчилгээний төв нь мэргэжлийн үйлчилгээ, бүс нутгийн цахилгаан галт тэрэгний депо, олон өртөөд, Байгалийн орон нутгийн зорчигч тээврийн компани болон Холбооны зорчигч тээврийн компанийн салбараас бүрддэг. Тус төвд нийт 5100 ажилтан ажиллаж, 100 том, жижиг вокзал, хоёр цахилгаан галт тэрэгний депо, Эрхүүгийн вагон депо, Дорнод Сибирийн төмөр замын вагоны хэсэг, 800 гаруй тавцанг хэвийн ажиллуулж байна. Эхний гурван улиралд Зорчигчийн төв бүх төлөвлөгөөт үзүүлэлтээ биелүүлжээ. Нийт 9.3 сая зорчигчийн 7.2 сая нь орон нутгийн галт тэргээр зорчсон байна. Зорчигчийн эргэлтийн төлөвлөгөөг 1.1 хувиар давуулан биелүүлсэн гэж Зүүн Сибирийн төмөр замын зорчигчийн үйлчилгээний албаны орлогч дарга Александр Косицын мэдээлэв. Байгаль орчмын төмөр замын аялал жуулчлалын урсгал тасралтгүй өсөж байна. Өнгөрөгч 2024 онд 111 галт тэрэг аялж байсан бол энэ зун нийт 116 галт тэрэг аялжээ. Эрхүү–Абакан–Барнаул чиглэлд өнгөрсөн оны 12 дугаар сараас зорчигчийн галт тэрэг тогтмол явж эхэлсэн бөгөөд 2025 оны есөн сард 39 мянга гаруй хүн зорчсон байна. Мөн 2022 онд дахин нээгдсэн Эрхүү–Улаанбаатар чиглэлд 4200 зорчигч, буцах чиглэлд 9400 зорчжээ. Тиймээс ч аялал жуулчлалын ирээдүйтэй чиглэлийн нэгд тооцогдож байна. Энэ чиглэлд нэмэлтээр Эрхүү–Манжуур хоорондын тасралтгүй зорчих галт тэргийг нэвтрүүлэх төлөвлөгөөтэй ажиллаж байна.
Гудок сонин
Егор Щербаков