Ерөнхий сайд хил дамнасан төмөр замын талбайд ажиллав

Монгол Улсын Ерөнхий сайд Н.Учрал өнгөрсөн долоо хоногт Гашуунсухайт-Ганцмод боомтын хил дамнасан төмөр замын төслийн талбайд ажиллалаa.

Энэ төсөл нь нэгдүгээр зэрэглэлийн 1520 мм өргөн царигтай 19.4 км урттай, дэлгэмэл урт нь 32.6 км, 9.4 км урт гүүртэй, зэрэгцээд 1435 мм нарийн царигийн хос замтай, дэлгэмэл урт нь 32.6 км, 9.4 км урт гүүртэй, мөн 11.5 км авто замтай, нийтдээ 19 барилга байгууламжтай 8 багц ажлаас бүрдсэн цогц төсөл юм.

Өнөөдрийн байдлаар Гашуунсухайт-Ганцмод боомтын хил дамнасан төмөр замын бүтээн байгуулалт 33.61 хувийн гүйцэтгэлтэй байна.

Төслийн багц 1-ийн хүрээнд төмөр замын дээд, доод бүтцийн ажил буюу хоолой, жаазан гүүр, ухмал байгуулах, суурийн үе байгуулах ажил 5.57 хувьтай байна.

Төслийн багц 2-ын хүрээнд урт гүүрийн 2376 ширхэг шон суурь барьж, 106 ширхэг тулгуур, 307 ширхэг дам нурууг үйлдвэрлэсэн байна. Мөн нийт 13 барилгын суурийн ажил дууссан. Бусад барилга угсралтын ажил төлөвлөгөөний дагуу үе шаттайгаар хэвийн үргэлжилж, төслийн талбайд 880 инженер, техникийн ажилтан, 276 машин механизмтайгаар ажиллаж байна.

Тус төсөл хэрэгжсэнээр нүүрсний экспорт жил бүр 20 сая тонноор нэмэгдэж, эдийн засгийн өсөлт жил бүр 0.8 нэгж хувиар нэмэгдэж, нэг хүнд ногдох дотоодын нийт бүтээгдэхүүн 10 мянган долларт хүрэх эдийн засгийн ач холбогдолтой юм.