Энэ оныг “Менежментийн нэгдсэн тогтолцооны хэрэгжилтийг баталгаажуулах жил”-ээр зарлалаа

УБТЗ-ын  төмөр замчид өнгөрсөн оныг “Менежментийн нэгдсэн тогтолцоог хэрэгжүүлэх жил”-ээр зарлан энэ хүрээнд чамгүй амжилттай ажилласан бол шинэ 2023 оныг Замын  даргын энэ сарын 02-ны А-01 тоот тушаалаар “Менежментийн нэгдсэн тогтолцооны хэрэгжилтийг баталгаажуулах жил”-ээр зарлаж байна.

Оны тэргүүн зорилтын үр дүнд салбар нэгж бүрийн үйл ажиллагааг оновчтой болгож, үр өгөөжийг нэмэгдүүлэх, эдийн засгийн тогтвортой өсөлт, хөдөлмөрийн болон хөдөлгөөний аюулгүй байдлыг хангуулах, өрсөлдөх чадварыг дээшлүүлэх, тогтвортой хөгжүүлэх чухал нөхцөлийн нэг  болох олон улсын менежментийн нэгдсэн тогтолцоог нэвтрүүлэх ажлыг эцэслэж, үйл ажиллагааг улам төгөлдөржүүлэхээр төлөвлөсөн нь энэ юм.