Энэ онд зүүн чиглэлд гурван томоохон төсөл хэрэгжинэ
2026 онд Орос, Хятадын хоорондох тээвэрлэлтэд эерэг өөрчлөлт гарна хэмээн “YM Trans Group”-ийн мэргэжилтнүүд онцолж байна. Энэ онд хэрэгжүүлэх гурван томоохон төслийн эхнийх нь Забайгалиар дамжин өнгөрөх шинэ төмөр замын чиглэлийг нээх явдал юм. Энэ чиглэлд хоёр дахь гол зам, мөн Хятадын замыг Оросын тал руу өргөтгөхөөр төлөвлөж байна. Шинэ зам нь Забайгалийн шалган нэвтрүүлэх ачаа тээврийн урсгалыг хоёр дахин нэмэгдүүлэхээр байна.
Харин хоёр дахь төсөл нь Өвөр Монголд туршилтын чөлөөт худалдааны бүсийг байгуулснаар Оростой хиллэдэг Манжуур хотыг орчин үеийн ложистикийн төв болгон хувиргах юм. Энэ төсөл хэрэгжсэнээр Хятад-Европын Холбооны дамжин өнгөрөх хамгийн ачаалалтай төмөр замын гарцуудын нэг болох юм.
Хятадын эрх баригчид хилийн худалдаа, баталгаат бүс, эдийн засгийн хамтын ажиллагааны бүсийг нэгтгэхээр төлөвлөж буй. Энд шинэ агуулах, ачаа тээвэрлэх байгууламжууд баригдана. Ингэснээр ачаа тээвэрлэх хүчин чадал нь хэдэн арван сая тоннд хүрнэ гэж үзжээ.
Үүний дагуу үйлчлүүлэгчид Хятадын талаас гаалийн хялбаршуулсан журам, татварын хөнгөлөлтийг хүлээж байна.
Гурав дахь төсөл нь хоёр том автомашины хилийн боомт байх юм. “YM Trans Group”-ийн хэлснээр Хятадтай хиллэдэг Краскино хотод 93 хувийн гүйцэтгэлтэй байна. Одоогийн байдлаар хуучин боомтоор өдөрт 180 орчим ачааны машин нэвтэрдэг бол нээгдсэний дараа 16 авто замын эгнээ баригдахаас ачааны машины 12 эгнээ баригдана.
Хоёр дахь гарц нь Хасан шалган нэвтрүүлэх цэг юм. Энэ бол БНАСАУ-тай хиллэх цорын ганц автомашины гарц юм. Тус байгууламжийн ажил 42 хувийн гүйцэтгэлтэй байна. Энэ нь 10 эгнээ, түүний дотор ачааны машины эгнээтэй байх аж. Барилгын ажлыг 2026 онд дуусгахаар төлөвлөж байна.
Орос, Хятадын хил бодитоор өргөжиж ачаа тээвэрлэлтийн хурд харилцан нэмэгдэнэ хэмээн ”YM Trans Group”-ийн төлөөлөгч онцолж байна.
РЖД-Партнер сэтгүүлээс