Монгол улсын Засгийн газраас 2023-2024 оныг "Авилгатай тэмцэх жил" болгон зарласан билээ. Үүнтэй холбогдуулан ЗТХЯ-ны харьяа байгууллагуудын хүний нөөц, ажлын байрны томилгоонууд нь хууль тогтоомжид нийцэж буй эсэхийг шалган баталгаажуулахаар ЗТХ-ийн сайдын А/78 дугаар тушаал гарсан юм. Энэхүү удирдамжийн дагуу төмөр замын удирдлага дээрх үүргийг хэрэгжүүлэх болсон тул холбогдох ажилтан албан тушаалтнууд E-Mongolia цахим сангаас өөрийн " иргэний эрүүгийн хариуцлага хүлээж байсан эсэх тухай тодорхойлолт" -ыг цахим хэлбэрээр УБТЗ-ын хүний нөөцийн албанд дөрөвдүгээр сарын 05-ны дотор ирүүлэхийг мэдэгджээ. Дээрх үүргийг хүлээж тодорхойлолт илгээх ажилтнууд нь "хувийн ашиг сонирхол болон хөрөнгө орлогын мэдүүлэг гаргах албан тушаалтан" гэсэн тодотголд хамаарах удирдах албан тушаалтнуудыг хамруулж байгаа юм.
