ТЗДС-ийн багш, оюутан солилцооны хөтөлбөрийн хүрээнд БНХАУ-ын Бугат хотын Төмөр замын мэргэжил технологийн коллежоос гурван багш, арван хоёр оюутан УБТЗ-ын харьяа ТЗДС-ийн үйл ажиллагаа, материаллаг бааз, орчинтой танилцах зорилгоор энэ сарын 27-нд Монголд ирлээ.
Тэд хамтын ажиллагааны санамж бичгийн хүрээнд ТЗДС- ийн үйл ажиллагаа, материаллаг баазтай танилцаж, цаашдын хамтын ажиллагааны талаар харилцан ярилцлаа.
ТЗДС-ийн оюутны зөвлөлийн хамт олон Бугат хотын Төмөр замын мэргэжил технологийн коллежийн оюутнуудтай танилцах өдөрлөг зохиож, хоёр сургуулийн оюутнууд хөгжөөнт тоглоом тоглож, урлагийн номер үзүүлэн хамтдаа дуулж бүжиглэн нэгэн өдрийг хөгжилдөн өнгөрүүлжээ.
