Өнгөрсөн Баасан гарагт төмөр замын Ахмадын холбооны захиргааны ажилтнууд ахмадуудад урлагийн тоглолтоо толилууллаа. Энэ жил түүхт 45 жилийн ой нь тохиож буй тус холбооныхон ийнхүү урлаг соёлын арга хэмжээнийхээ салхийг хагалж байна. Үүний дараагаар бүсүүдийн урлагийн арга хэмжээнүүд зохиогдох юм байна. Уг үйл ажиллагаа нь ахмадуудын эгнээнд шинээр нэгдсэн авьяастнуудыг нээн илрүүлэх, улмаар шилдэг урлагийн номеруудыг шалгаруулан аравдугаар сард зохион байгуулагдах Ахмадын холбооны 45 жилийн ойн нэгдсэн концертдоо оролцуулах зорилготой ажээ.