Энэ сарын 21-нд ахмад төмөр замчдын дунд Замын ширээний теннисний аварга шалгаруулах тэмцээнд болж өнгөрлөө. Уг тэмцээнийг УБТЗ ХНН-ийн 75, Ахмадын холбооны 45 жилийн ойн хүрээнд Ц.Гантөмөр даргатай V бүсийн нэрэмжит болгон зохион байгуулагдсанаараа онцлогтой ажээ. Тэмцээнд нийт 18 ахмад тамирчин оролцсоноос эрэгтэйчүүдээс алтан медалийг V бүсийн Н.Ганбат, мөнгөн медалийг III бүсийн С.Гансүх, хүрэл медалийг I бүсийн Д.Сэрээтэр, тусгай байрыг VI бүсийн Ц.Ганбат нар хүртлээ. Харин эмэгтэй тамирчдаас V бүсийн Ш.Бадар алт, I бүсийн Д.Алтанцэцэг, Зүүнхараагийн С.Дарьжав хүрэл, III бүсийн Д.Алтантуяа тусгай байрын шагнал хүртэв.
Мөн энэ сарын 25-нд Ахмадын холбооны дэргэдэх III бүсийн нэрэмжит софт волейболын аварга шалгаруулах амжилттай зохион байгуулагдаж, дүнгээ гаргалаа. Хойд, урд, төвийн бүсийн 10 багийн 60 гаруй тамирчин авхаалж, самбаа, хурд хүчээ сорьж өрсөлдлөө.
Тэмцээнд гар бөмбөгийн олон улсын хэмжээний мастер, ахмад тамирчин Д.Цэгмид ахлагчтай III Бүсийн "Хурд" баг тэргүүлж, дэд байрт спортын мастер, ахмад тамирчин Ж.Догсом ахлагчтай IV Бүсийн "Хос чавхдас", гутгаар байрт спортын мастер, ахмад тамирчин О.Чулуунбат ахлагчтай Чойр зангилааны "Сансар" баг шалгарлаа.
