Ялалтын баярын өдөрт зориулан УБТЗ-ын Ахмадын холбооноос “Ган зам палас”-т тоглолт хийлээ. Тоглолтыг Замын I орлогч дарга О.А.Казаков, Ерөнхий инженер С.П.Старцев, Удирдлагын асуудал хариуцсан орлогч дарга Н.Энхцогт, МТЗ-чдын ҮЭ-ийн холбооны дарга Б.Баяраа, Ахмадын холбооны дарга, МУГТ Ю.Идэрчулуун тэргүүтэй алба, хэлтэс, аж ахуйн нэгжийн удирдлага, ахмадууд, орос мэргэжилтнүүд үзлээ. Тоглолтод Ахмадын холбооны “Хос Уянга” хамтлагийн төмөр замчин ахмадууд уран бүтээлээ толилуулав. Замын I орлогч дарга “Агуу эх орны дайны Ялалтын баярт зориулсан дуу хуур, хөгжим бүжиг хосолсон сайхан тоглолт боллоо” хэмээн үнэлж, ахмад уран бүтээлчдэд талархал илэрхийллээ.
